ਖਾਦ 'ਤੇ ਸਬਸਿਡੀ!
Subsidy: ਕਿਸਾਨ ਆਪਣੀ ਚੰਗੀ ਫ਼ਸਲ ਲਈ ਖਾਦ ਦੀ ਵਰਤੋਂ ਕਰਦੇ ਹਨ। ਜਿਸਦੇ ਚਲਦਿਆਂ ਹੁਣ ਸਰਕਾਰ ਇਨ੍ਹਾਂ ਖਾਦਾਂ ਦੀ ਖਰੀਦ 'ਤੇ ਸਬਸਿਡੀ ਦੇ ਰਹੀ ਹੈ। ਆਓ ਜਾਣਦੇ ਹਾਂ ਕਿ ਹੁਣ ਕਿਸਾਨਾਂ ਨੂੰ ਖਾਦ ਲਈ ਕਿੰਨੀ ਕੀਮਤ ਚੁਕਾਉਣੀ ਪਵੇਗੀ।
Khad Latest Price: ਦੇਸ਼ ਦੇ ਕਿਸਾਨਾਂ ਲਈ ਸਾਉਣੀ ਦਾ ਸੀਜ਼ਨ ਸ਼ੁਰੂ ਹੋ ਗਿਆ ਹੈ। ਅਜਿਹੀ ਸਥਿਤੀ ਵਿੱਚ ਕਿਸਾਨ ਆਪਣੀ ਚੰਗੀ ਫ਼ਸਲ ਲਈ ਖਾਦ ਦੀ ਵਰਤੋਂ ਕਰਦੇ ਹਨ, ਜਿਸ ਦੀਆਂ ਕੀਮਤਾਂ ਸਰਕਾਰ ਵੱਲੋਂ ਤੈਅ ਕੀਤੀਆਂ ਜਾਂਦੀਆਂ ਹਨ ਅਤੇ ਕਿਸਾਨਾਂ ਨੂੰ ਉਸੇ ਭਾਅ ’ਤੇ ਖਾਦ ਵੇਚੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਸਰਕਾਰ ਇਨ੍ਹਾਂ ਖਾਦਾਂ ਦੀ ਖਰੀਦ 'ਤੇ ਸਬਸਿਡੀ ਵੀ ਦਿੰਦੀ ਹੈ, ਜਿਸ ਕਾਰਨ ਕਿਸਾਨਾਂ ਨੂੰ ਜ਼ਿਆਦਾ ਕੀਮਤ ਨਹੀਂ ਚੁਕਾਉਣੀ ਪੈਂਦੀ। ਤੁਹਾਨੂੰ ਦੱਸ ਦੇਈਏ ਕਿ ਸਰਕਾਰ ਵੱਲੋਂ ਖਾਦਾਂ ਲਈ 2.25 ਲੱਖ ਕਰੋੜ ਰੁਪਏ ਦੀ ਸਬਸਿਡੀ ਸਾਲਾਨਾ ਦਿੱਤੀ ਜਾਂਦੀ ਹੈ।
ਹੁਣ ਖਾਦ ਦੀਆਂ ਕੀਮਤਾਂ 'ਚ ਨਹੀਂ ਹੋਵੇਗਾ ਵਾਧਾ (Fertilizer Prices will not increase)
ਕਿਸਾਨਾਂ ਲਈ ਇੱਕ ਚੰਗੀ ਖ਼ਬਰ ਇਹ ਵੀ ਹੈ ਕਿ ਖਾਦ ਦੀਆਂ ਕੀਮਤਾਂ ਵਿੱਚ ਕੋਈ ਵਾਧਾ ਨਹੀਂ ਹੋਵੇਗਾ। ਅਜਿਹਾ ਸੰਕੇਤ ਕੇਂਦਰੀ ਰਸਾਇਣ ਮੰਤਰੀ ਮਨਸੁਖ ਮਡਾਵੀਆ ਨੇ ਦਿੱਤਾ ਸੀ। ਉਨ੍ਹਾਂ ਨੇ ਕਿਹਾ ਸੀ ਕਿ “ਦੇਸ਼ ਵਿੱਚ ਯੂਰੀਆ ਦੀ ਲੋੜੀਂਦੀ ਉਪਲਬਧਤਾ ਹੈ। ਘਰੇਲੂ ਲੋੜ ਨੂੰ ਪੂਰਾ ਕਰਨ ਲਈ ਸਾਡੇ ਕੋਲ ਦਸੰਬਰ ਤੱਕ ਯੂਰੀਆ ਦਾ ਸਟਾਕ ਹੈ। ਸਾਨੂੰ ਦਸੰਬਰ ਤੱਕ ਆਯਾਤ ਕਰਨ ਦੀ ਲੋੜ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਪਹਿਲਾਂ ਹੀ 16 ਲੱਖ ਟਨ ਯੂਰੀਆ ਦਰਾਮਦ ਕਰ ਚੁੱਕੀ ਹੈ। ਇਸ ਤੋਂ ਸਾਫ਼ ਪਤਾ ਚੱਲਦਾ ਹੈ ਕਿ ਦੇਸ਼ ਵਿੱਚ ਖਾਦਾਂ ਦਾ ਕਾਫੀ ਸਟਾਕ ਹੈ ਅਤੇ ਕੀਮਤਾਂ ਵਿੱਚ ਕੋਈ ਵਾਧਾ ਨਹੀਂ ਹੋਵੇਗਾ। ਦੱਸ ਦੇਈਏ ਕਿ ਹਾਲ ਹੀ 'ਚ ਕੇਂਦਰ ਸਰਕਾਰ ਨੇ ਘੱਟੋ-ਘੱਟ ਸਮਰਥਨ ਮੁੱਲ ਵਧਾ ਕੇ ਕਿਸਾਨਾਂ ਨੂੰ ਤੋਹਫਾ ਦਿੱਤਾ ਸੀ।
ਖਾਦ 'ਤੇ ਸਬਸਿਡੀ (Subsidy on Fertilizer)
ਕੇਂਦਰ ਸਰਕਾਰ ਦੀ ਕੈਬਨਿਟ ਮੀਟਿੰਗ ਨੇ ਸਾਉਣੀ ਸੀਜ਼ਨ 2022 (6 ਮਹੀਨਿਆਂ) ਲਈ ਫਾਸਫੇਟਿਕ ਅਤੇ ਪੋਟਾਸ਼ ਖਾਦਾਂ 'ਤੇ 60,939 ਕਰੋੜ ਰੁਪਏ ਦੀ ਸਬਸਿਡੀ ਦੇਣ ਦਾ ਫੈਸਲਾ ਕੀਤਾ ਹੈ।
ਇਹ ਵੀ ਪੜ੍ਹੋ: PM Kisan Yojana: ਕਿਸਾਨਾਂ ਨੂੰ ਘਰ ਬੈਠਿਆਂ ਮਿਲੇਗੀ ਇਹ ਸਹੂਲਤ! ਯੋਗਤਾ ਸੂਚੀ 'ਚ ਬਦਲਾਅ!
ਖਾਦ ਦੀਆਂ ਕੀਮਤਾਂ (Fertilizer Prices)
-ਯੂਰੀਆ ਦੀ ਕੀਮਤ 2450 ਰੁਪਏ ਪ੍ਰਤੀ ਬੈਗ ਹੈ, ਜਿਸ 'ਤੇ ਸਰਕਾਰ ਵੱਲੋਂ 2183.50 ਰੁਪਏ ਦੀ ਸਬਸਿਡੀ ਦਿੱਤੀ ਜਾ ਰਹੀ ਹੈ, ਜਿਸ ਤੋਂ ਬਾਅਦ ਇਸ ਦੀ ਕੀਮਤ 266.50 ਰੁਪਏ ਹੈ।
-DAP ਦੀ ਕੀਮਤ 4073 ਰੁਪਏ ਪ੍ਰਤੀ ਬੋਰੀ ਹੈ, ਜਿਸ 'ਤੇ ਸਰਕਾਰ 2501 ਰੁਪਏ ਸਬਸਿਡੀ ਦੇ ਰਹੀ ਹੈ, ਜਿਸ ਤੋਂ ਬਾਅਦ ਇਸ ਦੀ ਕੀਮਤ 1350 ਰੁਪਏ ਹੋ ਜਾਂਦੀ ਹੈ।
-NPK ਦੀ ਕੀਮਤ 3291 ਰੁਪਏ ਪ੍ਰਤੀ ਬੋਰੀ ਹੈ, ਜੇਕਰ ਸਰਕਾਰ 1918 ਰੁਪਏ ਸਬਸਿਡੀ ਦਿੰਦੀ ਹੈ ਤਾਂ ਤੁਹਾਨੂੰ 1470 ਵਿੱਚ ਮਿਲ ਜਾਵੇਗੀ।
-MOP ਦੀ ਕੀਮਤ 2654 ਰੁਪਏ ਪ੍ਰਤੀ ਬੋਰੀ ਹੈ, ਜਿਸ 'ਤੇ ਸਰਕਾਰ ਵੱਲੋਂ 759 ਰੁਪਏ ਦੀ ਸਬਸਿਡੀ ਦਿੱਤੀ ਜਾ ਰਹੀ ਹੈ, ਜਿਸ ਤੋਂ ਬਾਅਦ ਇਸ ਦੀ ਕੀਮਤ 1700 ਰੁਪਏ ਹੈ।
Summary in English: Khad Latest Price: Farmers will get fertilizer at this price in kharif season! Take advantage of subsidies!
