ਪੰਜਾਬ ਨੈਸ਼ਨਲ ਬੈਂਕ ਨੇ ਆਪਣੇ ਗਾਹਕਾਂ ਲਈ ਸ਼ਾਨਦਾਰ ਬੱਚਤ ਅਤੇ ਫਿਕਸਡ ਡਿਪਾਜ਼ਿਟ ਆਫਰ ਲਿਆਂਦੇ ਹਨ। ਇਸ ਆਫਰ ਨਾਲ ਗਾਹਕਾਂ ਨੂੰ ਸ਼ਾਨਦਾਰ ਵਿਆਜ ਮਿਲੇਗਾ।
ਪੀ.ਐਨ.ਬੀ ਵੱਲੋਂ ਵਿਆਜ ਦਰਾਂ 'ਚ ਸ਼ਾਨਦਾਰ ਵਾਧਾ
ਪੰਜਾਬ ਨੈਸ਼ਨਲ ਬੈਂਕ (Punjab National Bank) ਨਵੇਂ ਸਾਲ 'ਤੇ ਆਪਣੇ ਗਾਹਕਾਂ ਲਈ ਤੋਹਫਾ ਲੈ ਕੇ ਆਇਆ ਹੈ। ਦਰਅਸਲ, ਪੀ.ਐਨ.ਬੀ (PNB) ਆਪਣੇ ਗਾਹਕਾਂ ਲਈ ਸ਼ਾਨਦਾਰ ਬੱਚਤ ਅਤੇ ਫਿਕਸਡ ਡਿਪਾਜ਼ਿਟ ਆਫਰ ਲੈ ਕੇ ਆਇਆ ਹੈ। ਪੀ.ਐਨ.ਬੀ ਬਚਤ ਖਾਤੇ ਅਤੇ 2 ਕਰੋੜ ਰੁਪਏ ਦੇ ਫਿਕਸਡ ਡਿਪਾਜ਼ਿਟ 'ਤੇ ਵਿਆਜ ਦਰਾਂ ਵਧਾ ਦਿੱਤੀਆਂ ਗਈਆਂ ਹਨ। ਪੀ.ਐਨ.ਬੀ ਨੇ ਇਸ ਆਫਰ ਨਾਲ ਜੁੜੀ ਜਾਣਕਾਰੀ ਬੈਂਕ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਸਾਂਝੀ ਕੀਤੀ ਹੈ।
ਬੈਂਕ ਦੀ ਅਧਿਕਾਰਤ ਵੈੱਬਸਾਈਟ ਦੇ ਮੁਤਾਬਕ, ਬਚਤ ਖਾਤੇ ਅਤੇ ਫਿਕਸਡ ਡਿਪਾਜ਼ਿਟ 'ਤੇ ਵਧੀਆਂ ਵਿਆਜ ਦਰਾਂ 1 ਜਨਵਰੀ, 2023 ਤੋਂ ਲਾਗੂ ਹੋਣਗੀਆਂ। ਤੁਹਾਨੂੰ ਦੱਸ ਦੇਈਏ ਕਿ ਪੀ.ਐਨ.ਬੀ (PNB) ਨੇ ਬਚਤ ਖਾਤੇ 'ਤੇ ਵਿਆਜ ਦਰਾਂ 'ਚ 25 ਬੇਸਿਸ ਪੁਆਇੰਟਸ ਦਾ ਵਾਧਾ ਕੀਤਾ ਹੈ। ਜਦੋਂਕਿ, ਫਿਕਸਡ ਡਿਪਾਜ਼ਿਟ 'ਤੇ 50 ਬੇਸਿਸ ਪੁਆਇੰਟਸ ਦਾ ਵਾਧਾ ਕੀਤਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਪੀ.ਐਨ.ਬੀ (PNB) 10 ਲੱਖ ਰੁਪਏ ਤੋਂ ਘੱਟ ਦੇ ਬਚਤ ਖਾਤਿਆਂ 'ਤੇ ਗਾਹਕਾਂ ਨੂੰ 2.70 ਫੀਸਦੀ ਦੀ ਵਿਆਜ ਦਰ ਦੀ ਪੇਸ਼ਕਸ਼ ਜਾਰੀ ਰਹੇਗੀ। 10 ਲੱਖ ਤੋਂ 100 ਕਰੋੜ ਰੁਪਏ ਦੇ ਬਚਤ ਖਾਤੇ 'ਤੇ 2.75 ਫੀਸਦੀ ਦੀ ਦਰ ਨਾਲ ਸਾਲਾਨਾ ਵਿਆਜ ਮਿਲਦਾ ਰਹੇਗਾ। ਪੀ.ਐਨ.ਬੀ (PNB) ਨੇ 100 ਕਰੋੜ ਜਾਂ ਇਸ ਤੋਂ ਵੱਧ ਦੀ ਰਕਮ ਵਾਲੇ ਬਚਤ ਖਾਤਿਆਂ 'ਤੇ ਵਿਆਜ ਦਰਾਂ 'ਚ 0.25 ਫੀਸਦੀ ਦਾ ਵਾਧਾ ਕੀਤਾ ਹੈ। ਇਹ ਵਿਆਜ ਦਰ 2.75 ਤੋਂ ਵਧ ਕੇ 3 ਫੀਸਦੀ ਹੋ ਗਈ ਹੈ।
ਇਹ ਵੀ ਪੜ੍ਹੋ : PNB Kisan Gold Scheme: ਕਿਸਾਨਾਂ ਨੂੰ ਮਿਲੇਗਾ 50 ਲੱਖ ਤੱਕ ਦਾ ਲੋਨ!
ਪੰਜਾਬ ਨੈਸ਼ਨਲ ਬੈਂਕ (Punjab National Bank) ਨੇ 7 ਤੋਂ 45 ਦਿਨਾਂ ਵਿੱਚ ਮੈਚਿਓਰ ਹੋਣ ਵਾਲੀ ਐੱਫ.ਡੀਜ਼ 'ਤੇ 3.50 ਫੀਸਦੀ ਦੀ ਦਰ ਨਾਲ ਵਿਆਜ ਦੀ ਪੇਸ਼ਕਸ਼ ਜਾਰੀ ਰੱਖੀ ਹੈ। ਇਸ ਦੇ ਨਾਲ ਹੀ ਬੈਂਕ ਨੂੰ 46 ਤੋਂ 179 ਦਿਨਾਂ 'ਚ ਮਿਆਦ ਪੂਰੀ ਹੋਣ ਵਾਲੀ ਫਿਕਸਡ ਡਿਪਾਜ਼ਿਟ 'ਤੇ 4.50 ਫੀਸਦੀ ਵਿਆਜ ਮਿਲਦਾ ਰਹੇਗਾ।
ਇਸ ਤੋਂ ਇਲਾਵਾ, ਪੀ.ਐਨ.ਬੀ (PNB) ਨੇ 180 ਦਿਨਾਂ ਤੋਂ ਇੱਕ ਸਾਲ ਤੋਂ ਘੱਟ ਸਮੇਂ ਵਿੱਚ ਮਿਆਦ ਪੂਰੀ ਹੋਣ ਵਾਲੀ ਫਿਕਸਡ ਡਿਪਾਜ਼ਿਟ 'ਤੇ 5.50 ਫੀਸਦੀ ਦੀ ਦਰ ਨਾਲ ਵਿਆਜ ਜਾਰੀ ਰੱਖਿਆ ਹੈ। ਇਸ ਦੇ ਨਾਲ ਹੀ ਪੀ.ਐਨ.ਬੀ (PNB) ਨੇ 1 ਸਾਲ 'ਚ 665 ਦਿਨਾਂ 'ਚ ਮਿਆਦ ਪੂਰੀ ਹੋਣ ਵਾਲੀ ਵਿਆਜ ਦਰਾਂ 'ਚ 45 ਆਧਾਰ ਅੰਕਾਂ ਦਾ ਵਾਧਾ ਕੀਤਾ ਹੈ, ਜਿਸ ਤੋਂ ਬਾਅਦ ਇਹ ਵਿਆਜ ਦਰ 6.30 ਤੋਂ ਵਧ ਕੇ 6.75 ਹੋ ਗਈ ਹੈ।
666 ਦਿਨਾਂ ਵਿੱਚ ਮੈਚਿਓਰ ਹੋਣ ਵਾਲੀ ਫਿਕਸਡ ਡਿਪਾਜ਼ਿਟ (Fixed Deposit) 'ਤੇ 7.25 ਫੀਸਦੀ ਵਿਆਜ ਦੇਣਾ ਜਾਰੀ ਹੈ, ਪਰ 667 ਦਿਨਾਂ ਤੋਂ ਦੋ ਸਾਲਾਂ ਵਿੱਚ ਮੈਚਿਓਰ ਹੋਣ ਵਾਲੀ ਐੱਫ.ਡੀ. (FD) 'ਤੇ ਹੁਣ 6.75 ਫੀਸਦੀ ਵਿਆਜ ਮਿਲੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਪਹਿਲਾਂ ਇਸ 'ਤੇ 6.30 ਫੀਸਦੀ ਦੀ ਦਰ ਨਾਲ ਵਿਆਜ ਮਿਲਦਾ ਸੀ।
ਇਹ ਵੀ ਪੜ੍ਹੋ : PNB ਗਾਹਕਾਂ ਨੂੰ ਮਿਲੇਗੀ ਇਹ ਖਾਸ ਸਹੂਲਤ, ਪਲਕ ਝਪਕਦੇ ਹੀ ਖਾਤੇ 'ਚ ਆਉਣਗੇ ਪੈਸੇ!
ਪੀ.ਐਨ.ਬੀ (PNB) ਨੇ ਦੋ ਸਾਲ ਤੋਂ ਵੱਧ ਅਤੇ ਤਿੰਨ ਸਾਲ ਤੱਕ ਦੀ ਐੱਫ.ਡੀ. (FD) 'ਤੇ ਵਿਆਜ ਦਰਾਂ 'ਚ 50 ਬੇਸਿਸ ਪੁਆਇੰਟ ਦਾ ਵਾਧਾ ਕੀਤਾ ਹੈ। ਜਿਸ ਤੋਂ ਬਾਅਦ ਹੁਣ ਵਿਆਜ ਦਰ 6.25 ਫੀਸਦੀ ਤੋਂ ਵਧ ਕੇ 6.75 ਫੀਸਦੀ ਹੋ ਗਈ ਹੈ। ਬੈਂਕ ਤਿੰਨ ਸਾਲਾਂ ਤੋਂ 10 ਸਾਲਾਂ ਦੀ ਮਿਆਦ ਵਿੱਚ ਪਰਿਪੱਕ ਹੋਣ ਵਾਲੀ ਐਫਡੀ (FD) 'ਤੇ 6.50 ਪ੍ਰਤੀਸ਼ਤ ਦੀ ਦਰ ਨਾਲ ਵਿਆਜ ਦੇਣਾ ਜਾਰੀ ਰੱਖੇਗਾ। ਪੀ.ਐਨ.ਬੀ (PNB) ਸੀਨੀਅਰ ਨਾਗਰਿਕਾਂ ਨੂੰ 666 ਦਿਨਾਂ ਦੀ ਫਿਕਸਡ ਡਿਪਾਜ਼ਿਟ (Fixed Deposit) 'ਤੇ 8.05 ਫੀਸਦੀ ਦੀ ਦਰ ਨਾਲ ਵਿਆਜ ਦੇਵੇਗਾ।
Summary in English: PNB's new year gift to customers, a spectacular increase in interest rates
