Wheat price
ਦਿਨੋਂ-ਦਿਨ ਵੱਧਦੀ ਮਹਿੰਗਾਈ ਨੇ ਆਮ ਆਦਮੀ ਦੀ ਕਮਰ ਤੋੜ ਕੇ ਰੱਖ ਦਿੱਤੀ ਹੈ। ਆਲਮ ਇਹ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਲੋਕਾਂ ਨੂੰ ਕਣਕ ਦੀਆਂ ਵੱਧਦੀਆਂ ਕੀਮਤਾਂ ਤੋਂ ਕੋਈ ਰਾਹਤ ਨਹੀਂ ਮਿਲਣ ਵਾਲੀ। ਜਾਣੋ ਕਿ ਹੈ ਪੂਰਾ ਮਾਮਲਾ...
ਵੱਧਦੀ ਮਹਿੰਗਾਈ ਵਿੱਚਕਾਰ ਆਮ ਆਦਮੀ ਲਈ ਇੱਕ ਹੋਰ ਬੁਰੀ ਖਬਰ ਹੈ। ਪੈਟਰੋਲ, ਡੀਜ਼ਲ, ਸੀ.ਐੱਨ.ਜੀ. ਅਤੇ ਫਲਾਂ-ਸਬਜ਼ੀਆਂ ਦੀਆਂ ਵਧੀਆਂ ਕੀਮਤਾਂ ਦਾ ਅਸਰ ਹੁਣ ਕਣਕ 'ਤੇ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਜੀ ਹਾਂ, ਆਉਣ ਵਾਲੇ ਦਿਨਾਂ ਵਿੱਚ ਕਣਕ ਦੀਆਂ ਵਧਦੀਆਂ ਕੀਮਤਾਂ ਤੋਂ ਕੋਈ ਰਾਹਤ ਨਹੀਂ ਮਿਲਣ ਵਾਲੀ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਕਣਕ ਦੀ ਕੀਮਤ ਵਿੱਚ ਉਛਾਲ ਆ ਸਕਦਾ ਹੈ ਅਤੇ ਇਹ 3000 ਰੁਪਏ ਪ੍ਰਤੀ ਕੁਇੰਟਲ ਦੇ ਪੱਧਰ ਤੱਕ ਪੁੱਜ ਸਕਦੀ ਹੈ। ਇਸ ਦੇ ਨਾਲ ਹੀ ਸੀਬੀਓਟੀ (ਸ਼ਿਕਾਗੋ ਬੋਰਡ ਆਫ ਟਰੇਡ) 'ਤੇ ਕਣਕ ਦੀਆਂ ਕੀਮਤਾਂ 'ਚ ਜ਼ੋਰਦਾਰ ਵਾਧੇ ਦੀ ਸੰਭਾਵਨਾ ਹੈ।
ਜੇਕਰ ਓਰੀਗੋ ਈ-ਮੰਡੀ ਦੇ ਸੀਨੀਅਰ ਮੈਨੇਜਰ (ਕਮੋਡਿਟੀ ਰਿਸਰਚ) ਇੰਦਰਜੀਤ ਪਾਲ ਦੀ ਮੰਨੀਏ ਤਾਂ ਅਪ੍ਰੈਲ ਦੇ ਮਹੀਨੇ ਕਣਕ ਦੀ ਵਾਢੀ ਜ਼ੋਰਾਂ 'ਤੇ ਹੈ ਅਤੇ ਇਸ ਕਾਰਨ ਕੀਮਤਾਂ 'ਚ ਕੁੱਝ ਗਿਰਾਵਟ ਆ ਸਕਦੀ ਹੈ। ਹਾਲਾਂਕਿ, ਉਨ੍ਹਾਂ ਦਾ ਮੰਨਣਾ ਹੈ ਕਿ ਕੀਮਤਾਂ ਵਿੱਚ ਗਿਰਾਵਟ ਸੀਮਤ ਹੋਵੇਗੀ ਅਤੇ ਕੀਮਤ 2,015 ਤੋਂ 2,020 ਰੁਪਏ ਪ੍ਰਤੀ ਕੁਇੰਟਲ ਤੋਂ ਹੇਠਾਂ ਜਾਣ ਦੀ ਬਹੁਤ ਘੱਟ ਗੁੰਜਾਇਸ਼ ਹੈ।
ਵਿਸ਼ਵ ਪੱਧਰ 'ਤੇ ਕਣਕ ਦੀ ਸਪਲਾਈ ਕਮਜ਼ੋਰ
ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਣਕ 'ਚ 2,270 ਰੁਪਏ ਦਾ ਮਜ਼ਬੂਤ ਵਿਰੋਧ ਹੈ ਅਤੇ ਜੇਕਰ ਭਾਅ ਇਸ ਤੋਂ ਉਪਰ ਰਹਿੰਦਾ ਹੈ ਤਾਂ ਥੋੜ੍ਹੇ ਸਮੇਂ ਤੋਂ ਲੈ ਕੇ ਲੰਬੇ ਸਮੇਂ ਲਈ 2,600 ਤੋਂ 3,000 ਰੁਪਏ ਦਾ ਉਪਰਲਾ ਪੱਧਰ ਦੇਖਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, ਪ੍ਰਭਾਵਿਤ ਗਲੋਬਲ ਸਪਲਾਈ ਅਤੇ ਕਮਜ਼ੋਰ ਬੰਦ ਹੋਣ ਵਾਲੇ ਸਟਾਕ ਕਾਰਨ, ਕਣਕ ਦੀਆਂ ਕੀਮਤਾਂ ਥੋੜ੍ਹੇ ਸਮੇਂ ਵਿੱਚ ਤੇਜ਼ ਰਹਿਣਗੀਆਂ। ਇੰਦਰਜੀਤ ਦਾ ਕਹਿਣਾ ਹੈ ਕਿ ਥੋੜ੍ਹੇ ਸਮੇਂ ਵਿੱਚ, ਸੀਬੀਓਟੀ 'ਤੇ ਕਣਕ ਦੇ ਡਾਲਰ 9.5 ਤੋਂ ਡਾਲਰ12 ਪ੍ਰਤੀ ਬੁਸ਼ਲ ਦੇ ਵਿੱਚ ਵਪਾਰ ਹੋਣ ਦੀ ਸੰਭਾਵਨਾ ਹੈ।
ਕਣਕ ਦੀ ਵਾਢੀ ਵਿੱਚ ਵਾਧੇ ਕਾਰਨ ਕੀਮਤਾਂ ਵਿੱਚ ਸੁਧਾਰ
ਦੱਸ ਦਈਏ ਕਿ ਮਾਰਚ ਦੇ ਪੂਰੇ ਮਹੀਨੇ ਦੌਰਾਨ ਕਣਕ ਦੀ ਕੀਮਤ 2,250 ਰੁਪਏ ਤੋਂ 2,420 ਰੁਪਏ ਦੀ ਰੇਂਜ ਵਿੱਚ ਕਾਰੋਬਾਰ ਕਰਦੀ ਨਜ਼ਰ ਆਈ। ਦਰਅਸਲ, ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਸ਼ੁਰੂ ਹੋਣ ਕਾਰਨ ਦੁਨੀਆ ਭਰ ਵਿੱਚ ਕਣਕ ਦੀ ਸਪਲਾਈ ਪ੍ਰਭਾਵਿਤ ਹੋਈ ਸੀ। ਮਾਰਚ ਦੇ ਪਹਿਲੇ ਪੰਦਰਵਾੜੇ ਵਿੱਚ ਭਾਰਤ ਤੋਂ ਕਣਕ ਦੀ ਬਰਾਮਦ ਦੇ ਦ੍ਰਿਸ਼ਟੀਕੋਣ ਕਾਰਨ ਵਿਸ਼ਵ ਪੱਧਰ 'ਤੇ ਸਪਲਾਈ ਪ੍ਰਭਾਵਿਤ ਹੋਣ ਕਾਰਨ ਕੀਮਤਾਂ ਵਿੱਚ ਚੰਗਾ ਵਾਧਾ ਹੋਇਆ ਸੀ। ਹਾਲਾਂਕਿ, ਮਾਰਚ ਦੇ ਅੰਤ ਤੋਂ ਅਤੇ ਹੁਣ ਤੱਕ ਵਾਢੀ ਵਿੱਚ ਵਾਧੇ ਦੇ ਨਾਲ, ਸਰਕਾਰ ਨੇ ਅਗਲੇ 6 ਮਹੀਨਿਆਂ ਲਈ ਪੀਐਮਜੀਕੇਏਵਾਈ ਯੋਜਨਾ ਦੇ ਵਿਸਤਾਰ ਅਤੇ ਤਾਜ਼ਾ ਆਮਦ ਦੇ ਕਾਰਨ ਥੋੜ੍ਹੇ ਸਮੇਂ ਵਿੱਚ ਕੀਮਤਾਂ ਵਿੱਚ ਸੁਧਾਰ ਦਰਜ ਕੀਤਾ ਹੈ।
ਇਹ ਵੀ ਪੜ੍ਹੋ: ਕਿ ਹੁਣ ਕਿਸਾਨਾਂ ਨੂੰ ਵੀ ਦੇਣਾ ਪਵੇਗਾ ਟੈਕਸ ? ਕੇਂਦਰ ਸਰਕਾਰ ਨੇ ਕਿੱਤਾ ਵੱਡਾ ਬਦਲਾਵ
ਸਰਕਾਰੀ ਖਰੀਦ ਦਾ ਟੀਚਾ 44.4 ਮਿਲੀਅਨ ਮੀਟ੍ਰਿਕ ਟਨ
ਇੰਦਰਜੀਤ ਪਾਲ ਅਨੁਸਾਰ 2022-23 ਲਈ ਕਣਕ ਦੀ ਸਰਕਾਰੀ ਖਰੀਦ ਦਾ ਟੀਚਾ 44.4 ਮਿਲੀਅਨ ਮੀਟ੍ਰਿਕ ਟਨ ਰੱਖਿਆ ਗਿਆ ਹੈ, ਜੋ ਕਿ ਸਾਲਾਨਾ ਆਧਾਰ 'ਤੇ 2.4 ਫੀਸਦੀ ਵੱਧ ਹੈ। ਜੇਕਰ ਇਹ ਟੀਚਾ ਪੂਰਾ ਹੋ ਜਾਂਦਾ ਹੈ, ਤਾਂ ਇਹ ਇੱਕ ਰਿਕਾਰਡ ਖਰੀਦ ਦੇ ਰੂਪ ਵਿੱਚ ਇਤਿਹਾਸ ਵਿੱਚ ਹੇਠਾਂ ਚਲਾ ਜਾਵੇਗਾ। ਹਾਲਾਂਕਿ, ਨਿਰਯਾਤ ਦੀ ਮੰਗ ਵਿੱਚ ਵਾਧੇ ਦੇ ਕਾਰਨ, ਕਣਕ ਦੀ ਕੀਮਤ ਘੱਟੋ-ਘੱਟ ਸਮਰਥਨ ਮੁੱਲ ਤੋਂ ਉੱਪਰ ਵਪਾਰ ਕਰ ਰਹੀ ਹੈ, ਇਸ ਲਈ ਅਸੀਂ ਉਮੀਦ ਕਰਦੇ ਹਾਂ ਕਿ ਸਰਕਾਰੀ ਖਰੀਦ ਟੀਚੇ ਦੇ 85 ਪ੍ਰਤੀਸ਼ਤ ਤੱਕ ਪਹੁੰਚ ਜਾਵੇਗੀ। ਦੱਸ ਦਈਏ ਕਿ ਕਣਕ ਦੀ ਸਰਕਾਰੀ ਖਰੀਦ 1 ਅਪ੍ਰੈਲ 2022 ਤੋਂ ਸ਼ੁਰੂ ਹੋ ਗਈ ਹੈ।
Summary in English: The price of wheat can reach up to 3000 rupees! Know the reason for this!
